الثلاثاء، 25 أغسطس 2020

الأب

‏عارف إيه إللي بيخلي ‎أبوك يدور يطفي أنوار الشقةوراك ؟

ويزعق للي بيرزع الباب جامد؟

عارف إيه إللي بيخليه ينصحك بكلام مكرر 
وهو متأكد إنك مش هتنفذه ؟!

عارف ليه بيبقى متضايق يمكن أكتر منك كمان لما كنت بتجيب درجة وحشة🤔

‏عارف إيه إللي بيخليه فرحان جداً ومرتاح نفسياً وانت بتصرف فلوسه ف حاجة كويسة؟

طب عارف إيه إللي جايبله الضغط والسكر والقلب من عصبيته على حاجات تافهة من وجهة نظرك؟

أنا كنت زيك كده مش عارف إيه السر فى كده !!!..
بس لما كبرت ولقيتني تلقائي باعمل كده مع ابنى وبنتى فهمت السر 👇

‏‎المسؤولية..

‎المسؤولية إللي بتخليك تفرح وتستمتع ببنتك أو إبنك وهو بياكل ويشرب ويلبس ويصرف أكتر من فرحتك ومتعتك لما إنت شخصياً تعمل كده .
‎المسؤولية إللي بتخليك حامل هم مستقبل بنتك أو إبنك في الوقت إللي هو نفسه مش مهتم بحاضره .

عارف لما تبقى راكب جنب أبوك وهو بيسوق سيارته ، إنت بتنام وتصحى وتبص من الشباك وتلعب بالموبايل ، وهو ماسك الدركسيون وعينه على البنزين والزيت والحرارة وعداد السرعة والطريق، لما تكبر هتحس بده كله 👇

لأنك باختصار هتبقى ‎اللي بيسوق ولحد لما يجى اليوم وتبقى انت اللي بتسوق لازم تعرف أن جزمة أبوك قدام باب الشقة لا تقدر بثمن 👍